Улуттук статистика комитетинин маалыматы боюнча, 2025-жылдын ушул мезгилине салыштырмалуу айлык акылар 28,5%га өскөн. Ошол эле учурда баалардын өсүшүн эске алганда, реалдуу эмгек акы 16,1%га көбөйгөн.

Айлык акылар эң көп өскөн тармактар:

искусство, көңүл ачуу жана эс алуу - 1,5 эсеге;
саламаттык сактоо жана социалдык тейлөө - 46,6%га;
билим берүү - 43,3%га;
кесиптик, илимий жана техникалык ишмердүүлүк - 35,2%га;
айыл, токой чарбасы жана балык уулоо - 32,9%га;
суу менен камсыздоо жана калдыктарды кайра иштетүү - 29,6%га;
финансы жана камсыздандыруу - 25%га;
кыймылсыз мүлк менен операциялар - 23,8%га;
курулуш - 23,5%га;
транспорт жана жүктөрдү сактоо - 22,7%га.

Статистикалык маалыматтарга ылайык, экономикалык ишмердүүлүктүн бардык негизги түрлөрүндө орточо айлык эмгек акынын өсүшү катталган.

Эске салсак, 2026-жылдын январь–июнь айларында орточо эмгек акы 53 миң 759 сомду түзгөн.

Ал эми 2026-жылдын II кварталында Кыргызстанда сунушталган медианалык эмгек акы 46 миң 280 сомду түзүп, өткөн жылдын ушул мезгилине салыштырмалуу 7,5%га төмөндөгөн.

Буга чейин Кыргызстанда аялдардын айлык акысы эркектердикине караганда үчтөн бирине аз экени белгилүү болгон.

Темалар боюнча жаңылыктар: орточо айлык

Жаңылыктар

Жети айда айлык акы эң көп кайсы тармактарда өстү